PUISI

SUWUNG

NAPI  SANE WENTEN RING TENGAHING SUWUNG?

WANTAH ISIN PUYUNG

SUARAN GENTA MASUARA NING, NING, HNING

KATUGTUG ANTUK AKSARA PINGIT ”AUM”

 KIDUNG MAMURDA “GAYATRI”

NGINDANG NGIDERIN  BUANA ALIT

GALANG  TEJAN SURYA,LINTANG LAN CANDRA

NGULANGUNIN MANAH SANE PUYUNG

NYUJUR KAYUN, KAHAYUAN MANAH

MANAH SUCI, MANAH NIRMALA

MANAH SUWUNG, MANAH SUNYA

MANAH TANPA NAMA

S U L U H

OLIH : I NYOMAN MUSNA

Samar samar lawate samar

Damar belah memar dikamar

Taman rasa, rasane pahit

Mekilit ngilit keneh ane mapineh

Kenehe ane nyihnayang galang

Galang kangin kadi surya nyunarin gumi

Gumine sane keni grubug

Grubug ulian tingkahe bogbog

Bulan mapeluh ulian kelangan luh

Luhe kelangan luih luihe dadi luu

Luun gumi ngembahin jagat

Jagate ngancan panes

Manesang rasa

Mobor sekancan sane kelangan suluh.

Suluhe baur tan matutuk-bongkol

Toyan tukad melanyet puwek

Kadi nyanyad ring tutuk cita

Ngetel ke tutuk lidah

Nginguhan sekancan sad rasa

Kadi tan karasa baan minehan satua

Tutur baur tan mapasuluh.