NGALIH JUJUR

Jujur

Kemu mai nyeliksik

dini lan ditu kebitin

ngalih ane madan jujur

tusing masi tingalin

dija kaden mengkeb

aduh, sukil pesan alih

tolih ditu di kantor MPR / DPR

kantor Presiden, kantor Mentri

kantor Hakim / kantor Jaksa

kebitin ring kantor polisine

ring kantor bupati, walikota

kantor Camat lan kantor Lurah

kantor desa, bale banjar

nyantos ke sekolah sekolah

tur nyantos ring tengahing Pura

masi tusing tepuk ane madan jujur

Kakantenan...
jujur punika,

wantah ja mengkeb ring tungtung ati 
tengahing rasa

yaning jujure punika terus mabur

gumine manadi baur tanpa sulur

kelangan rasa

kelangan sujati

20.12.12