Kutaku dalam Puisi Bali

KUTA. 70

Bias pasih putih makenyir manis

Ombak magending tembang sinom

Katang-katang ngelilit bias pasih

Matan ai nyunarin jagat rasa

Rasa sane ngerasayang demen

Macanda di sisin pasih

Menega ngolah jukung mulang payang

Ngalih saang anyud nuju sasih kaulu

Kutun bulung, yuyu dipompongan anyud

Saang krinting anggon nyakan

Kaang anyud tunu anggon kapur tembok

Don danyuh anggon nyundih

Ngalih jangkrik di tegale

anggon ngendingan pondok reot

 Wong bulan anggon ulam serosob

Pésan celengis roroban jukut kelor

 Bé gerang misi sambel matah

Walanda bok gading tengkayak

ningkang di bias putih

 

KUTA. 80

Bias pasih ngancan selem ucem

Ombake magending tembang jawi

Katang-katang suba pada ilang

Manega ngolah jukung masang jaring

Punyan nyuh maganti kayu beton

Saang krinting maganti kompor lengis gas

Munyin jangkrik dadi suaran radio

Lampu templek dadi lampu balon

Don biyu maganti  kertas nasi

Wong bulan dadi Mushrom di restoran

Ulam gerang dadi fuyung hai

Jukut meroroban dadi cap cay

Walanda bok gading tengkayak

Ningkang di Hotel bintang sisin pasih

KUTA. 90

Bias pasih ngancan nyelem nyeleman

Ombake matembang  Musik Rock

Manega nyopir jukung mesin

Muat toris ngabe ski ngalih ombak

Saang krinting manadi kompor gas

Lampu templek dadi lampu neon

Munyin jangkrik dadi musik Rolling Stone

Bungalow dadi hotel bintang lima

Warung bali dadi Restoran lan Discotik

Pésan celengis dadi kentacky

Bé gerang dadi humburger

Sambel matah manadi saus botol

Walanda bok gading ningkang di jalan

Tuak - Arak meganti  Bir – Wishky

Punyah ngawag-ngawag di trotoar

Nyandu tusing nganggo waktu   

Nginang base dadi pil exstasi

KUTA. 2000

Bias pasih mabatu bukit

Saang krinting ayud misi luu plastik

Yeh pasih nyalet menyayad

Kutun bulung dadi kutun toris

Tembang sinom dadi tembang manon

Cedar-cedaran tiying dadi Bom meledak

Peteng manadi lemah

Lemahe manadi peteng

Peteng lemah tusing nawang galang

Galang rasa kapetengan

Galang keneh nyangket di pipis dollar

Kubu reot matukar Vila

Karang embang manadi Hotel bintang liyu

Warung bali manadi SuperMarket

Sanggah menek duur tingkat

Munyin jangkrik dadi munyin HP

 Jalane tusing pesan ada suwung mamung

6.1.13