SIWA RATRI
Siwa niku wantah bagia
Ratri wantah ja peteng
Sasihnya ring sasih kapitu
Nyujur bagia ring petenge
sane dedet
Peteng pitu “sapta timira”
Purwaning tilem kapitu
Lubdaka ngelintangin alas
tenget
Bet rimbun kadi ramen
idupe
Idup sane kapetengan masa
Kapetengan baan demen
Demen ngumbar kama
Loba ngumbar keneh boya
Idupe sane setata
maboya-boya
Sang wiku Tanakung
ngelingan
Sampunang lega ring
tengahing peteng
Tapa brata yoga samadhi
kukuhin
Ruruh iku galang apadang
Sane setata ngalangan ati
Antuk ngebitang sastra
pingit
Nguncarang maha mantra
OM, Namo Siwa Ya…
10.1.13
PAGER WESI
Buda kliwon wukune shinta
Apa ento sane patut
pagehang
Umah, kubu, pondok, jero
Apa anggen magehang
Wantah ja tembok bolong
Sane patut pagehang empet
Wantah widya ring angga
Widya sane utama suci
Katedunin dening aji
saraswati
Mangda tan kaceburin
Awidya
Pager wesi magehang jnana
Sibeh antuk wicaksana
Tegul antuk sastra pingit
Kemitin aji sunar dharma
Eling tekening guru sunya
Widyane nyujur luhur
dharma kerti
10.1.13
Tumpek
Landep
Saniscara kliwon wuku landep
Landep nenten ja wesi
Nanten taler keris, dui,
lan taji
Alang-alang nenten masi
landep
Landep tajep wantah Jnana
Jnana tajep widyane midep
Idep tajep anggen maidep
Minehang pemargin idup
Idupe masuluh aji pineh
landep
Dasarin tatuwek sane jujur
Nyujur Tatujon mautama
10.1.13
NYAMPAT
Sampatang
luu di natah
Sampatang
daki neket di awak
Sampatang
kenehe ane loba
Sampatang
atine ane neket di rasa
Kedasang
gumine
Kedas
awake
Kedasang
langite
Kedas
kenehe
Kedasang
ambarane
Kedas
atine
Kedas
ditu kedas dini
Setata
makedas-kedas
Kedas
nyalang ngalih galang
Kadi
galang sasih kedasa
Galang
kayun ilang pikun
Ilang
pikun eling kantun
10.1.13
Tidak ada komentar:
Posting Komentar